Charging ngai talou - LD October 2010

Mobile battery charger kipuohlou’a khuolzin’a nachie khah’em? Namu zouse kom’a charger nathum jieng’em? Mitoh kihou khohna ding tamtah aum laitah’a battery akichai zeh’a boina natuo khah’em? Nini nithum load shedding ahileh na phone na switch off jieng’em? Battery charging toh kisaiya boina natuo zouse chu phad chomkhat zou tieng leh kagel leh kamang abang’e nati ding ahitai.
    Veuvin, Korea gam’a scientist ho’n charger toh suhtuo khel khel ngai talou ding phone battery asiemdoh vahdi’u ahitai. Amaho’n tithah phatna dawmdoi siemna’a kimang zinc oxide akuon in manchah neocha khat asiemdoh uvin, hiche chun sound waves akuon’a electric current alahdoh thei ding ahiye. Hiche siemdohna ding’a panla Young Jun Park, Sang-Woo Kim le alawiho’n zinc oxide akuon’a ahin siemdoh’uh manchah chun phone’a mini akihou lhon tieng leh amani akuon’a awgin hung doh chu ana mattang lhon’a, hiche chu electric current asuodoh sah’uh ahiye. Mini kihouna akuon’a kiladoh sound waves chu 50 millivolts tobang ahi’n, hiche chun phone battery chu ol-ol’a charging ana bawl ding ahitai. Chule mipi kikhop khomna mun lah, aginse mun lah’a zong phone ana charging thei ding ahiye.
    Speaker in electric signal sound asuodoh thei leh sound in electric signal apiehdoh thei ding ahi ti lunggel aneina jal uva hiche tobang tohguon hi ahin siemdoh’uh ahiye. Hiche hi phad chomlou kah’a eiho lah’a zong hung lhungpai jieng ding ahi’n, hiche tieng chule electric vahna mun del del ngai talou ding, kizen thou vehta.