Azeh neihil tang'o....

1. Sum jad (rupee) mikang pao’a ajem (words) a akizih seh leh ONLY apantha angai khu ipijeh ham, neihil tang’o. +919435259819
India sumho’a ONLY ahung kiman panna hi 1970s laichu ahung hitai. Hiche hi fraud prevention ding’a ana bawl’uh ahiye. Vetsahna ding in mikhat in `5000 ban’a 0 khat akoibe leh sang somnga hijieng thei ahiye. Ahinla anuoilam’a Five Thousand Only kiti ana umchun hiche tobang’a kichiem, milhemlha hochu atuhgah thei ahitai. Chule bank a natong ho jieng in zong 1970s masang’a boina anatuo zing’u ahitoh kilhon’a hiche thucheng hi hung kimangpan ahitai. ONLY kimanna hi ajeh khat sang’a tamjo ape uvin, hinla kilawmpen ding’a ginchad ahijeh’a achung’a pen hi hung kitahlang ahiye.


2. Football ground khu adung avai feet ejat hija d box jong alen aneo feet ejat hija ham? Keeper post jong adung avai ejat hija asan anem feet eja hija ham? +919615339113
Football ground adung le avai hi akibang zing poi. 1863 kum chun Football Association in adung 180m le avai 91m hiding in ana bilhah uve. Chule keeper post chu 7m anahi’n ahi.  Achomlam in kisei leh 2008 kum akuon chun adung 105m le avai 68m hiding in ana kheldoh kit tauve.  Ahinla football ground zouse vang akibang suohkei diehpoi. The Box (d-box hilou) aneopa khu 6 yards box akiti’n, hiche chu 5.5m ahi’n, alienpa, 18 yards box kiti chu 16.5m ahikiti’e. Chule Penalty pehna ding’a mark akipiehna khu goal akuon’a 11m in agamla kit in ahi.  Chule goal letdan chu asunglam post teni kikah 7.32m hiding, asanda’n ahileh 2.44m hiding ahiye.