Thangcha BOAT a kihot ding

Laijon Digest Miuzeeko Award kum nga sung ana umta’n, hinla Thangcha Khongsai bang’a award ni Miuzeeko khat’a sangkhom aumkha hih laiye. Thangcha in 5th Miuzeeko Awards achun Best Pop Singer le LD Song of the year 2011 (Best Lyricist - Ahsi Kibawm) ana sangkhomtai. Thangcha kipana chu Motbung LS Playground’ah ni’em bang in avah in, chung’a ahsi kibawm chu Miuzeeko kemchung akuon in ave’n, alungtup lientah lolhing dan’a agel jieh in Thangcha Lucky akisa lheh’e (Thangcha hi Lucky Thangcha ti’n zong akihe’e).
Thangcha in award amutheina ding’a vote hinpe a laijonho kom’ah kipathu Laijon Digest mangcha’n ahin phuongdoh’e. Athu’a akipana aphuondoh bep hilou in atohdoh’a kipathu seidoh tei ding lunggel aneitai. Hiche toh kilhon chun ahung lhung ding April nisim 21, 2012 leh Bhagyachandra Open Air Theatre (BOAT), Imphal a laijonho toh akimutuo theina ding’a concert neiding in tohguon lientah aneitai. April 21 nilhah leh BOAT in Thangcha Khongsai azinlhun ding in ahung umdohta’n ahi. Ama ngaisang’a ama munuomho’a ding in Dk. 100 a ticket kilah’a Thangcha toh lungludtah’a laa sahkhom thei hiding ahitai.